Bular izugarri handiak dituzten emakume askok (gigantomastia) arazo estetikoak ez ezik, funtzionalak ere izan ohi dituzte, esaterako, lepoko eta bizkarreko mina, larruazalaren narritadura, arnasa hartzeko arazoak edo janzteko arazoak.

Murriztapenerako mamoplastia (bularren murriztapena) kirurgia estetikoak barnean hartzen duen teknika bat da eta IVANCE-n gauzatzen da bularren neurria txikiagotzeko helburuarekin. Prozesuak koipea, guruin-ehuna eta larruazala kentzen ditu bularretatik, hauek txikiagoak bihurtuz, pisu gutxiagokoak eta trinkoagoak. Honez gain, areolen neurria ere txikitu daiteke.

Helburua bular txikiago batzuk lortzea da eta baita gorputzeko beste zatiekin harmonikoagoak ere. Bularren murriztapenaren pazienteak ondoen gogobetetzen diren pazienteak direla esan dezakegu, gure zentroko pazienteei begiratu ezkero. Askotan ezin dute ulertu zergatik itxaron duten hainbeste ebakuntza aurrera eramateko erabakia hartzeko.

Bularren murriztapena egitea buruan badabilkizu, ez pentsatu gehiago, eta eska ezazu on-line konsulta bat Alcelay Doktorearekin edo del Amo Doktorearekin, edo bestela, deituiguzu 943 297 588 telefonora hitzordu bat adosteko.

Ebakuntza

Bularren murriztapena aurrera eramateko, teknika desberdinak daude. Orain dela urte gutxira arte ebakuntza ohikoenak aingura forman egiten zen ebakuntza bat zuen oinarri, areola osoa eta gero hortik behera jaisten den ebakidura bat eginez, bularraren azpian dagoen ildoan jarraituz.

Gaur egun, kasu gehienetan orbain motzeko teknikak erabiltzen dira, eta hauek bularraren azpiko ildoan egiten zen orbaina kendu dute, eta horrela orbain bertikala bakarrik gauzatzen da.

Ebaketa hauen bitartez, kirurgialariak gehiegizko koipea, bularreko ehuna eta larruazala erauzten ditu, areola mugitzen du eta bular-punta bere kokapen berrira arte mugitzen du. Honen ondoren, forma berria ematen zaio bularrari.

Bularren murriztapena Donostiako Gipuzkoa Poliklinikan eramaten da aurrera.

Bularren murriztapenaren ebakuntza batek 2-3 ordu iraun ditzake, erabiltzen den teknikaren eta paziente bakoitzaren ezaugarri indibidualen arabera.

Bularren murriztapeneko ebakuntza anestesia orokorrarekin gauzatzen da.

Beharrezkoa da klinikan egun bat ospitalizatuta egotea.

Ebakuntza kirurgiko guztiekin lotuta dauden zailtasunak egon daitezke, esaterako, odol-ateratzea, hematoma, seroma, arazoak orbaintzerakoan, infekzioa, eta beste zailtasun batzuk bularren murriztapenarekin lotutakoak, adibidez, ageriko orbainak, areolaren sentikortasunean aldaketak, esnealdiran zailtasunak.

Bularren murriztapena gauzatu ondoren, pazienteak 1-2 aste beharko ditu bere eguneroko jardueretara bueltatzeko. Orbaintze-prozesuak hamabi hilabete iraun ditzake.

Non kokatzen dira Bularren Murriztapenean egindako orbainak?

Bularren murriztapenean areolaren inguruan egiten da orbain bat, beste bat bertikala bularraren azpiko ildora arte eta beste bat ildo hori zeharkatzen duena (alderantzizkatuko “T” orbaina edo aingura formakoa deitzen zaio). Gaur egun, kasu gehienetan bularraren ildoko orbaina saihestu dezakegu (orbain motzaren teknika).

Oso nabarmenak al dira Bularren Murriztapenaren ondorengo orbainak?

Paziente bakoitzak orbaintzeko modu desberdina du eta zauriak beti teknika berdinaren bitartez josten diren arren, inoiz ez dira bi orbain berdinak izango. Parametro desberdinak hartu behar dira kontuan lehenengo kontsultan, esaterako, aurretiko orbainak, familiaren historia, azalaren elastikotasuna, etab.

Nola geldituko da bularra neurriari eta trinkotasunari begiratuz gero?

Bularren murriztapenarekin bularren bolumena txikituko da, beren trinkotasuna hobetuko da eta baita itxura ere, baina beti pazientearen toraxarekin, tamainarekin, pisuarekin eta altuerarekin bat etorrita.

Noiz ikusi ahal izango dut azken emaitza?

Emaitzaren zati handi bat berehalakoa izango den arren, tamainuari begiratuz azken emaitza ikusteko sei hilabete itxaron beharko ditu pazienteak.

Orbainen kasuan, hauek guztiz sendatzeko 12-18 hilabete beharko dira, hauek neurri, kolore eta trinkotasun egonkorra lortu arte.

Zenbat urterekin gauzatu beharko litzateke ebakuntza?

Pubertaroaren amaieran (17-18 urte) hipertrofia handiegia bada edo lehenago ere bai aparteko kasuetan (gaztaroko gigantomastia). Osasun egoera orokorrak baldintzatzen du bularren murriztapena gauzatzeko adin maximoa zein den. Haurdun bazaude edo haurdun egoteko zain bazaude hurrengo urtean, hobe da zain egotea eta gero gauzatzea ebakuntza.

Elikadura-dieta bat egiten ari naiz pisua galtzeko, posible al da ebakuntza egitea?

Bularren murriztapena gauzatzeko momentu egokia zure pisua egonkorra denean da, hau da, gehienez zure pisu normaletik gora edo behera 2 edo 3 kilo aldatzen denean.

Ebakuntzaren ondorengo haurdunaldi batek lorturiko emaitza alda al dezake?

Inork ezin dizu agindu bularren murriztapenaren emaitza egonkor mantenduko dela haurdunaldi baten ondoren. Aurreko haurdunaldietan bularra gaizkitzea eragin zuten jatorri hormonalek berriro emaitza berdinak eragin ditzakete. Operaturiko bular batean arrisku hau murriztu egiten dela dirudi.

Bular-punten sentikortasuna mantentzen al da ebakuntzaren ondoren?

Bularren murriztapenaren helburua areolaren sentikortasun funtzioa mantentzea da. Hala ere, honek alterazio batzuk jasaten ditu erauzi den ehunaren bolumenaren arabera. Setikortasunaren aldaketak egon daitezke.

 Areolen neurria murriztea posible al da?

Ia beti. Areola handia bada beharrezkoa izango da hau murriztea. Kirurgia estetikoa beti areola berriaren eta bularren forma eta bolumen berriaren arteko harmonia lortzen saiatuko da. Horrela, oso ohikoa da areolaren neurria txikitzea bularren murriztapen batean, birmoldeatutako bularrekin harmonian egotea lortzeko.

Mingarria al da Bularren Murriztearen ebakuntzaren ondorengo prozesua?

Bularrek ez dute asko parte hartzen besoen mugimenduetan, horren eraginez, ebakuntzaren ondorengo prozesua normalean ez da mingarria izaten. Analgesikoak errezetatuko zaizkizu molestiak izanezn gero hartzeko. Beti jarraitu zure kirurgialariaren argibideak.

Hesgailuak eraman beharko ditut ebakuntzaren ondoren?

Alta hartu ondoren, kiroletako bularretako batzuk ezarriko zaizkizu eta hauek hesgailuen funtzioa izango dute.

Noiz itzuli naiteke berriro nire eguneroko jardueretara Bularren Murriztapen bat eta gero?

Oso garrantzitsua da bularren murriztapena gauzatu ondoren gutxienez zazpi egunetan ebakuntzaren berreskurapenean bakarrik zentratzea. Egun hauek igaro ondoren, pixkanaka zure jarduera normaletara itzuli ahalko zara.

Bularren Murriztapenaren ondoren noiz dutxatu naiteke?

Bularren murriztapenaren ondoren, normaltasunez dutxatu ahalko zara ebakuntza eta gero 24 ordu igarotakoan.

Noiz praktikatu ahalko dut kirola Bularren Murriztapena gauzatu ondoren?

Baliteke hilabete oso bat egon beharra kirolik egin gabe, hala ere, hau kirol motaren araberakoa izango da.

Operatu al daiteke bular-punta inbaginatu bat? (barrura sartutakoa)

Bai. Hau jaiotzatiko malformazio ohiko bat da eta batzuetan tratamendu kirurgiko bat beharrezkoa da hau zuzentzeko (2 hilabete geroago, anestesia lokalarekin).

Zer egin haurdun gelditzen bazara?

Ahal bada, lehenengo urtea baino lehen ez. Haurdun gelditzen bazara, konpresio bat gauzatu beharko duzu bularretan, istutzen eta ondo eusten duen bularretako baten bitartez. Gutxienez, lehenengo bost hilabeteetan. Elastina duen krema hidratatzailea eman ezazu zure azalean. Ez egin ezer gehiago. Bularrak konprimatu itzazu erditzearen ondoren.

Ebakuntzak minak kenduko al dizkit?

Guruinaren pisuarekin zerikusia duten minak bakarrik. Migarriak diren bularrak, ebakuntzaren ondoren ere hala izango dira, baina min gutxiago eragingo dute.

Bularren Murriztapena begirada batez:

  • Prozesua: Bular oso handiak (gigantomastia) zuzentzeko helburua duen ebakuntza, bular arinago eta txikiago bat lortuz.
  • Iraupena: 2-3 ordu.
  • Anestesia: Orokorra.
  • Ospitalizazioa: Egun bateko ospitalizazioa.
  • Berreskurapena: Egiten duen lanaren arabera, 1-2 aste; orbainen hobekuntza pixkanaka gauzatuko da.