Besoetako Lifting-a

Besoko lifting-a edo besoen tenkaketa gorputzeko inguruneko kirurgia estetikoak barnean hartzen duen prozesua da, besoen barneko biguntasuna eta gehiegizko koipea zuzentzeko helburua duena.

Besoko lifting-a besoetako azaleko gehiegizko biguntasuna duten pertsonei zuzenduta dago, eta besoen arazo hau bai urteak igaro direlako gerta daiteke, edo baita kirurgia bariatriko baten albo-ondorioen eraginez ere.

Besoetako Lifting-aren ebakuntza

Besoen tenkaketan, gehiegizko koipea kentzen da liposukzio baten bitartez eta besoaren barruko aldean ebaketa bat eginez gehiegizko larruazala kentzen da. Orbaina besoaren barneko aldean gelditzen da eta hemen ez da ia ikusi ere egiten.

Non gauzatzen da besoen tenkaketaren ebakuntza?

Besoetako lifting-a Donostiako Gipuzkoa Poliklinikan eramaten da aurrera.

Zenbat irauten du ebakuntzak?

Besoetako lifting baten iraupena bi ordukoa izan ohi da gutxi goraberhera, teknikaren arabera eta pazientearen ezaugarrien arabera.

Anestesia Besoen Tenkaketan

Besoetako lifting gehienak anestesia lokala erabiliz gauzatu daitezke, lasaigarriekin konbinaturik. Kasu batzuetan anestesia orokorra erabiltzen da.

Ospitalizazioa besoetako lifting-a egin ondoren

Normalean besoen tenkaketa egun bat klinikan ospitalizatuta egonda gauzatzen da.

Besoen tenkaketako ebakuntzan egon daitezkeen zailtasunak

Ebakuntza kirurgiko guztiekin lotuta dauden zailtasunak egon daitezke, esaterako, odol-ateratzea, hematoma, seroma, orbaintzerakoan arazoak, infekzioa, eta beste batzuk besoetako lifting-arekin lotura espezifikoa dutenak, adibidez, sentikortasunaren aldi baterako alterazioak, barne-estrukturan lesioak (gehienetan aldi batekoak), asimetria.

Besoetako lifting-aren ondorengo berreskurapena

Besoetako lifting baten ondoren eguneroko jardueretara itzultzeko 10-15 egun beharko ditu pazientea. 3-4 aste barru egongo da ahalegin fisikoa eskatzen duten ekintzak gauzatzeko prest. Eguzkiaren argitik babestea gomendatzen dugu hilabete batzuetan.